Badator Marijaia!

Hara, hara, hara, hara nor datorren… hara, hara, hara gure Marijaia! Marijaia Arriagako balkoitik atera da jada urteko aste luzeenari hasiera emateko. Urtero bezala, Aste Nagusiak kontzertuak, lehiaketak, dantza eta lo egiteko ordu gutxi ekarriko ditu.

Areatzako jai giroa gertutik bizi, Etxebarria Parkeko atrakzioekin gozatu eta Europa Parkean zein Abandoibarran ospatuko diren kontzertuekin dantzatu eta abestuko dugu. Baina horrez gain, Aste Nagusiak irauten dituen bederatzi egunetan zehar, gustu eta adin guztietara zuzendutako hamaika ekintza ospatuko dira Bilbon. Aukera hau galduko al duzu?

Gainera, Bilboko Konpartsek hamaika ekintza antolatu dituzte:

  • III Bokata lehiaketa: abuztuaren 19an, igandean, 19.00etan. Info guztia hemen.
  • Patata tortilla lehiaketa: abuztuaren 21ean, asteartean, 09.00etan. Info guztia hemen.
  • Basket 3×3: abuztuaren 22ean, asteazkenean, 10.00etatik 20.15ak arte.09.00etan. Info guztia hemen.
  • Piraguen igoera: Sestaotik abuztuaren 23ean, osteguneann, 12.00etan. Info guztia hemen.
  • Hiri Krosa: abuztuaren 24ean, ostiralean. Info guztia hemen.

Eguneko ekintzak ez ezik, urtero bezala, hamaika kontzertu antolatu dituzte. Kontsulta itzazu hemen.

Urtero lez, Aste Nagusian, egunero, Arriagako Plazan 20.30retatik aurrera korrikan jarriko gaituen zezensuzkoa izango dugu; Plaza Berrian, aldiz, Arin-arin edota Zazpi jauzia dantzatuko ditugu. Eta zein da erromeriaren gauzarik onena? Ez dugu dantzariak izan behar, dantzatzeko eta ikasteko gogoekin hurbiltzearekin nahikoa dugu! Eta euskal kulturaren beste ikurretako bat ez da ere faltako gurean, izan ere, Santiago Plazan bertsolaritza saioak ospatuko baitira.

Kontsulta ezazu egitarau osoa hemen.