Bilbaobizi, bizikletak mailegatzeko udal zerbitzu berria

Bizikletak mailegatzeko udal zerbitzu berria daukagu, Bilbaobizi, alegia, eta berrikuntza eta hobekuntza esanguratsuak aurkezten ditu. Izan ere, bizikleta berri guztiak pedalei eragiteko laguntzaz hornituta egongo dira eta 24 orduan eskainiko da zerbitzua.

Bilbaobizi zerbitzuan izena emateko:

  • Gure bezeroarentzako arreta zerbitzu bulegora joan behar da (San Agustin eraikina, beheko solairua, Ernesto Erkoreka 12).
  • Ordutegia:
    – Astelehena, asteartea, asteazkena eta ostirala 8:30etatik 17:00etara.
    – Osteguna 8:30etatik 19.30etara.
  • Zerbitzuaren ordainketa kreditu txartela edo banku-helbideratzearen bidez egin daiteke.
  • Zure datu pertsonalak osatzeko NAN dokumentuaren fotokopia erantsi beharko duzu.
  • 16 edo 17 urte badituzu, arduradun baten baimena behar da (aita, ama, tutorea) eta arduradunaren NAN dokumentuaren fotokopia.

Zerbitzuaren prezioa 20 eurokoa izango da Bilbon erroldatuta daudenentzat, eta 25 eurokoa ez daudenentzat. Zerbitzuaren garai berri honetan 9 ainguratze puntu berri sortu dira, eta orotara, 40 puntu daude sakabanatuta hiritik zehar erabiltzaileek bizikletak hartu eta aparkatu ditzaten.

Duela zazpi urte zerbitzu hau aurkeztu zenetik, eta ordutik 2 milioi joan-etorri baino gehiago eragin dira bizikletaz, mugikortasun jasangarriagoa areagotuz.

Liburuxkan zerbitzuaren inguruko informazioa topatuko duzu: zerbitzu berriaren funtzionamendua eta erabiltzeko gomendioak, bizikleta elektrikoen nondik-norakoak eta Bilbaobizi-ren puntuen (BBP) kokapena, bizikletak hartu eta itzultzeko.