Metal kategoria

182

INCURSED
(Bizkaia)

Hamar urte baino gehiagotan goranzko bidean eta estatuko zein
nazioarteko kritika onaren baitan ibili dira bizkaitarrak. Folk eta pagan metal soinuak jorratzen dituzte zuzeneko emanaldi landu, dibertigarri eta gogorrekin, kalitateari dagokionez onenen artean kokatuko dituen saltoa egitea helburu.

309

MANIPULATION
(Polonia)

Poloniarrak aspaldidanik dira ezagunak guretzat, izan ere, haien death metal soinuan ez dute gerorako ezer uzten, eta 2015ean bigarren saria jaso
zuten. Gainera, bere kide bik baxu-jotzaile eta gitarra-jotzaile onenaren saria eskuratu zuten metal kategorian. 2001ean osatutakoa, bere hitzak zientziari eta kristautasunaren aurkako jarrerari buruzkoak izaten dira.

960

MISE EN ABYME
(Gipuzkoa)

Eibarretik metal progresibo instrumentaleko edo post-rockeko proposamen
izugarria heldu zaigu. Hirukote honetan, metal eta rock soinuen azpigeneroetan dute iturria, jazzaren eta musika elektronikoaren eraginpean. Eklektizismo hori bere konposizioetan islatuta agertzen da. Hala, tarte bukolikoetatik adoretsu eta basatiagoetara melodiaren bitartez garraiatzen gaituzte.

299

NEXT STEP
(Madrid)

Madrilgo rock/metal soinuko musika-taldea hard-rockaren eta metal alternatiboaren artean kokatuta dago. Talde honek musikaren jarioari askatasuna ematen dio, konposizioetan mugarik ipini barik. Bere estiloan, riff gogorrak, estribilo melodiko nahiz gogoraerrazak eta ondo moldatutako abesti dinamikoak aurkitu ditzakegu.

Processed with VSCO with a4 preset

PERPETUAL NIGHT
(Granada)

Granadakoen soinuan Eskandinabiako melodeath estiloaren eragin nabarmena dago. Hala, atmosfera itxiak sortzeko orkestrazioaz, gitarra garbiez, irmotasunaz eta doinu ilunez baliatzen da. Honenbestez, death metal melodikoa nahiz doom soinua tarte garbi eta girotuekin batera nahasita agertzen dira.

433

PHYSIS
(Sevilla)

Metalcore estiloko Sevillako talde honen soinuak teknika eta musikaprogresioak ditu ardatz, batez ere, muturreko musika eta harmoniazko melodiak maite dituztenentzat interesgarria. August Burns Red eta Veil of Maya ospetsuak nahiz Texas In July edo Within The Ruins musika-taldeen eraginpean, soinu eta estilo propioak erakustea gogoko dute.

277

Ready Aim Fire
(Bizkaia)

Metal sinfonikoa egiten duen Bartzelonako taldea opera-rocka lantzeko sortu zen, gizartearen hainbat arazori buruzko istorioak azaltzeko, bullyinga eta genero-indarkeria nabarmenduta. Zirkuko drama honen pertsonajeetako bakoitza melankolia, magia eta iluntasuna nagusitzen diren ingurune batean bizi dira. Musika-taldeak gidoiarekin eta dramaturgiarekin landutako kontzertua eskaintzen du.

866

TRALLERY
(Illes Balears)

Mallorcako Ciutateko power trio honek zenbait estiloren eragina dauka, esate baterako, thrash edo death doinuak eta groove metal deiturikoa zein rocka. Tempo arinak, instrumentazio landuak, oldarkortasuna eta ahots sendoak baliagarri dituzte musika-taldea aurkeztek.