Hautazko Prebentzio-programa honen bidez, hainbat arrisku-eragile dituen eta zaurgarritasun-egoeran dagoen kolektibo batekin egiten da esku-hartzea, bertako kideek droga kontsumitu ala ez: gizarte-bazterkerian eta hainbat ikastetxetan dauden gazteei buruz ari gara, Oinarrizko Lanbide Heziketan daudenei buruz, etab.
Esparru honen baitan, programan kolektiboarekin egingo diren jarduerez gain, ezinbestekoa da irakasleekin egiten den lana, egoera gatazkatsuei aurre egiteko (aholkularitza, prestakuntza, gainbegiratzea):
- Laguntza eta orientabidea programa.
- Zentroetan drogen erabilera kontrolatzeko protokoloak prestatzea.
- Banakako arreta kontsumo-arazoak dituzten ikasleentzat.
- Ikasleak drogekin lotuta izandako egoeren aurrean, ikastetxe eta familia artean bitartekaritza. Familientzako zuzeneko arreta.
- Irakasleen kualifikazioa hobetzeko prestakuntza. Ikastaroen garapena: “Ikasleek duten droga-kontsumoarekiko erantzukizuna lantzea” “Kontsumo-arazoen aurrean, banakako zein taldeko esku-hartzeak” eta “droga-kontsumitzaileen familiekin elkarlana”, “Etorkin-ikasleentzako arreta”, “Substantziarik gabeko menpekotasunak: jokoa”…
- Prebentzio-proiektuak Lanbide Hastapenerako Programak kudeatzen dituzten erakundeak.
Helburuak
ARRISKUAK KUDEATZEKO TAILER GENERIKOEN HELBURUAK
- Substantzia ugariri buruzko informazio objektiboa ematea: haien ekintza-mekanismoak, norbanakoaren zein kontsumo-motaren araberako eraginak etab dauden mitoak azpimarratuz.
- Drogen gehiegizko kontsumoetan kontrola galtzeko eta ondorio negatiboak agertzeko ematen diren egoerez jabetzea.
- Gehiegizko droga-kontsumoak dakartzan ondorio negatiboak ezagutu eta aztertzea, horiek eragotzi ahal izateko.
MAGREBEKO GAZTE ETA NERABEENTZAKO TAILER ESPEZIFIKOEN HELBURUAK
- Arreta jartzea eskuragarriago dauden eta gehiago kontsumitu daitezkeen drogetan, hau da, alkoholean, kalamuan eta inhalatzaileetan.
- Drogen erabilerak eta eraginen esanahi sozialak testuinguratzea, haien jatorria zein helmugari dagokionez.
- Gure inguruan drogak duen estatusa ezagutarazteaz gain, kontsumoak edo droga-trafikoak haien egoera legalean izan ditzaketen ondorioak jakinaraztea.
Populazio hartzailea
16-20 urteko gazteak, OLH (Oinarrizko Lanbide Heziketa) ikasten daudenak edo bestelako ikastetxetan daudenak, hain zuzen ikasleak arrisku-egoeran daudenean hartzen dituzten ikastetxeetan.
Epea
Ikasturtea
Parte hartzen duten beste erakundeak
- Ortzadar
- Irudi Berria
- Beste batzuk
Harremanetarako
944204453
Arrisku Tailerrak-Drogak eta Arrisku Tailerrak-Alkohola: Espazio hauetan alkohola eta bestelako drogak hartzearen arriskuen aurrean kontzientziatzeko eremu bat sortzen da, kontsumoarekiko ardura indartzeko eta nork bere burua zaintzeko jarrerak bultzatuz. Tailerren balorazio orokorra oso ona da, eta ikasleek oso egoki topatu dute kalteei, arriskuei eta proposatutako autozainketa jarraibideei buruz emandako informazioa.
Arrisku egoeran dauden nerabe asko dituzten ikastetxeetan, Drogamenpekotasunen Negoziatuak bere esku-hartze selektiboaren proiektuarekin jarraitu du 2017an. Proiektu honek hurrengo ekintzak ditu barne: Ikastetxeko hezkuntza-proiektuan prebentzio-programa era integratzailean gehitzeko laguntza eta orientazioa. Zentroetan drogen erabilera kontrolatzeko protokoloak prestatzea. Drogen inguruko heziketa-tailerrak eta bestelako talde-baliabide didaktikoak. Banakako arreta kontsumo-arazoak dituzten ikasleentzat. Ikasleak drogekin lotuta izandako egoeren aurrean, ikastetxe eta familia artean bitartekaritza. Familientzako zuzeneko arreta.
Ekintza hauen baitan, arrisku-egoeran dauden ikasleen irakasleekin Behatze Proiektua garatu da. Bertan, 139 hezitzailek 1.204 neska-mutil artatzen dituzte, sei zentrotako 10 talde pedagogikoetan banatuta; eta hauek bi orduko hileroko saioetan parte hartu dute, gai honen hainbat adituren ikuskaritzapean (psikologoak, psikiatrak). Saio hauek oso baliagarriak dira haien lanerako, denok batera gogoeta egin ahal dutelako egunero topatzen dituzten egoera eta kasu konplexuen inguruan, eta gainera, aldi berean ezagutza, segurtasuna eta ikuspegi globalago bat ematen dituen kanpoko profesional baten laguntzarekin.
Bestalde, eta OLHko ikasleei zuzendutako heziketa-ekimenen testuinguruan, Bilboko udalerriko Magrebeko herritarrentzako Drogamenpekotasunen Prebentzio Tailerrak ezarri dira. Guztira 16-17 urteko 108 gaztek parte hartu dute 7 tailerretan. Hauek Peñascal Kooperatibakoak (Montaño eta Boluetaberri) eta Otxarkoagako Heziketa Zentrokoak ziren. Tailer hauek gaztelaniaz eta arabiarrez, Magrebeko jatorridun hezitzaile baten laguntzaz egin dira. Bertan, gizartearen talde honen errealitate eta beharretarako proposamen egokia landu da, eta batez ere oinarritu da alkoholari, kalamuari eta inhalatzaileei lotutako arriskuetan zein ikuspegi legaletik kontsumoak dituen ondorioetan.
Bai tailerraren arduraduna den hezitzaileak, bai irakasleek, bai parte hartu duten ikasleek oso balorazio ona egin dute.