Gazteen artean kirol-praktika bultzatzeko asmoz Udalak familia-abonuekin jarraitzen du 25 urte arteko seme-alaba onuradunentzat.

Bilbao Kirolakek ere gazteentzako abonua sortu du, arrazoi berberengatik, 28 urte arteko bilbotarrentzat. BANAKAKO abonua da, eta hiru azpi-kategoriatan banatzen da:

  • TARIFA OROKORRA: Bilbao Kirolaken kiroldegietara eta Azkuna Zentrora sartzeko aukera ematen du, erabilera libreko instalaziotara (igerilekua, atletismoko pista, hockeyko pista, ping-pong, erabilera libreko gimnasioa) eta ikastaro guztietan (fitness barne) izena emateko prezio beheratuarekin. Fitness aretoetara sartzeko, fitness ikastaroan izena eman beharra dago.
  • IGERILEKUA BAKARRIK ERABILTZEA: BKeko eta Azkuna Zentroko igerilekuetarako aukera. Uretako ikastaroetarako ere hobariak daude prezioetan.
  • 15:00ak ARTEKO ABONUA: lehen abonuko (tarifa orokorra) baldintza berberak, baina 15:00ak arteko mugarekin.

Helburuak

  • Gazteak kirol-instalazioetara joatea erraztea, bai banaka bai taldean.
  • Gazteen kirol-praktika ahalbidetzea.

Populazio hartzailea

28 urte arteko gazteak.

Harremanetarako

martxan@kirolak.bilbao.eus

Informazio gehiagorako

bilbaokirolak.eus

MEMORIA 2016

Gazteen abonu kopurua: 26. 313 (28 urte artekoak).