Aniztasunerako eta bazterketaren aurkako programa honek eskolako komunitatea sentsibilizatu nahi du aniztasunean elkarbizitzen ikasteko. Horretarako, zinema tresna moduan erabiltzen da Bilboko hainbat ikastetxeko ikasle eta irakaslerekin, eskola komunitateko esku-hartze osoa lortzeko.

BOSA!-k honakoa eskaintzen du:

  • Etorkinei buruzko kontu garrantzitsuenak eztabaidatzeko aukera.
  • Material didaktikoa paperean zein euskarri digitalean gaur egungo egoeraren berri izateko eta sakon hausnartzeko etorkinei buruzko hainbat alderdiren inguruan.
  • Aniztasuna lantzeko ezinbesteko ikuspegiak eskaintzen dituen film-sorta.

Helburuak

  • Bazterketaren inguruko gai garrantzitsuenak lantzea, gure inguru soziokulturalean aniztasuna sustatuz.
  • Egungo egoera ezagutzea eta era sakonean gogoeta egitea gure giza-inguruaren aniztasun soziokulturalaren hainbat alderdiri buruz.
  • Gaiak askotariko ikuspuntuez, errespetuz eta sakoneraz lantzeko funtsezko ikuspuntuak ematea.

Populazio hartzailea

DBHko ikasleak.

Epea

Urritik ekainera.

Infromazio gehiagorako

“Bosa!” DBH Programa

Harremanetarako

inmigracion@bilbao.eus

MEMORIA 2017

2017an Bosa! Zurrumurruen aurkako ekimena burutu da. Ikasle eta irakasleei zuzenduta dago eta, zinemaren bidez, balioetan oinarritutako heziketa-programa burutu nahi da, hainbat gai jorratzeko asmoz: kultur arteko harremanak, bizikidetza eta, batik bat, etorkinei buruzko estereotipo eta aurreiritziak. 2017an, programa honetan, 11 ikastetxetako 861 ikaslek eta 40 irakaslek parte hartu dute.

Programaren helburuak:

Bazterketaren inguruko gai garrantzitsuenak lantzea eta gure ingurune soziokulturalean aniztasuna sustatzea.
Egungo egoera ezagutzea eta era sakonean hausnartzea gure giza-ingurunearen aniztasun soziokulturalaren alderdiei buruz.
Gaiak askotariko ikuspuntuez, errespetuz eta sakoneraz lantzeko funtsezko ikuspuntuak ematea.

Landuko diren gaiak:

ENPATÍA: Etorkinen lekuan ipini eta gure herrialdera ekarri dituzten arrazoiak aztertu.
ZURRUMURRUEN AURKAKO ESTRATEGIA: Etorkinen jarrera baztertzaileak eragiten dituzten argudioak deuseztatzea.
BERDINTASUNA ETA IMMIGRAZIOA: Emakume etorkinen bazterketa bikoitza.
LANKIDETZA: Ondokoen tradizio, erlijio eta kulturak ezagutu eta errespetatzea.
KONPROMISOA: Beste kultura batzuetako herritarrekiko harremanetan norbere erantzukizuna lantzea.