Otxarkoagan Errotzea Udal Etxebizitzak bultzatzen duen programa bat da, eta egungo etxebizitzak esleitzeko sistemak hobetu eta berritu nahi ditu. Horrekin hau lortu nahi da: etxebizitza-eskaerari hobeto erantzutea, itxaron-zerrenda murriztea, Udal Etxebizitzen presentzia Bilboko auzoetan hobeto banatzea, auzoetan etxebizitzei uko egiten dien kopurua murriztea, eta bertako egoiliarrek eta, batez ere, haien seme-alabek etxebizitza izateko eskaera historikoari hobeto erantzutea, auzoarekiko pertenentzia-sentimendu estua dutelako eta bertan euren bizitza sozioekonomikoarekin bizitzen jarraitu nahi dutelako.

Horretarako, bi jarduera-ildo ezarri ziren etxebizitza esleitzeko sisteman:

  • 1. Jarduera bultzatzeko etxebizitza.
    Alokairua.
    Baldintzak: Otxarkoagan norberaren edo beste baten kontura zerbitzuak eskaintzea edo auzoari irabazpidezko jarduera bat ekarriko dion ekintzailetza-jarduera berri bat jartzea. Etxebiden izena emanda egotea. Ez da Bilbon erroldatuta egon beharrik.
  • 2. Gazteentzako emantzipazio-etxebizitza.
    Alokairua.
    Baldintza: 35 urte baino gutxiago izatea, urtean laneko diru-sarrera haztatuak 15.000 eurotik gorakoak izatea eta Etxebiden izena emanda egotea. Bilbon 3 urtez erroldatuta egotea.
    Errenta: 175 euro.
    3 urteko kontratua, berriztagarria.

Helburuak

Gazteei alokairuan laguntzea, batik bat auzoko egoiliarren seme-alabei.

Populazio hartzailea

Lehentasuna dute Bilboko Etxebiden eskatzaile gisa izena emana duten eta lan egiten duten 35 urtetik beherako gazteak.

Informazio gehiagorako

Etxebizitzak

Harremanetarako

viviendas@vvmm.bilbao.eus

944132400

2017an, esleitu dira programa honen esku gelditutako etxebizitza guztiak, programak berak aurreikusitakoarekin guztiz bat. Arrakasta horren ondoren, 2018rako gauza bera egingo da baldintza berberekin.