Hemen, Bilbori, “Botxoa”deitzen diogu, izan ere, hiri honek ukitu berezia dauka, eta bertan adiskideekin (“Kuadrillarekin”) izandako bizipen gozo eta gogoangarri ugari edukitzearen ondorioz, Bilbo guztiontzako topagune bilakatu da.

BILBOn baduzu zer aukeratu, kultur agenda ikaragarria, maila goreneko musika-ekitaldiak (BBK LIVE, BIME), hamaika kontzertu BEC-en (Bilbao Exhibition Center) eta areto pribatuetan, MTV 2018 SARIen banaketa. Gainera, kirol arloan, gustu guztietarako planak daude: Saskibaloiko munduko kopa izan genuen eta 2018an, RUGBYko MUNDUKO KOPA, lasterketak eta maratoiak izan ditugu (baita gauez ere, running-arekin toperaino). Euskal Kirolak ere ezagutzeko aukera izango duzu: frontoietan pilotara eta xisterara jolastu, harriak jaso, enborrak ebaki eta, traineruetan, olatuen gainean hegal egiten dugu. Zeuk erabaki: zer, non eta norekin. Hamaika aukera izango dituzu nekatzen zaren arte ondo pasatzeko.

Ah! eta gogoan izan: egunero gogoan dugun eta bultzatzen dugun futbol-taldea: gure ATHLETIC CLUB (marra zurigorriko kamiseta ezaguna egiten zaizu?). Gainera, badugu saskibaloiko taldea: BILBAO BASKET (beltzezko gizonak). Ikusiko duzu, beraiekin maiteminduko zara eta animatuko dituzu gure izena munduan zabaltzen ibiltzean. Hemen, BILBOn gauza guztiak gogoz eta grinaz bizi ditugu. Ea, ez izan zalantzarik, zure zain gaude eta!

Bilbao Kirolak: Udal Kirol Erakundea

Bilbao Kirolak erakundea, eremu publikotik gure hirian kirola garatzeaz arduratzen da. Instalakuntza osatuenak eskaintzen dizkizu nahi duzun edozein kirol praktikatzeko, kiroldegiak kudeatu eta ikastaroak nahiz kirol ekitaldiak antolatzen ditu.

Bilbao Turismoa

Bilbao Turismok gure hiri eta ingurua hobeto ezagutzeko aukera izan dezazun gerturatzen zaitu (Juego de Tronos-en eszenatoki, Surf) eta webgunean gure irudia munduan zehar zabaltzen duten jarduerak aurkituko dituzu: BBK LIVE jaialdia, MTV sariak, Rugbyko Munduko Kopa, Xakea, etab.

Kultur jarduerak

BILBOn kultur arloko eskaintza interesgarri eta zabala aurkituko duzu, toperaino gozatu ahal izateko. Eta ezinezkoa izango zaizu aspertzea, izan ere, kulturak zirrikitu guztietatik zure baitan sartuko da: museoak, antzerkia, opera, literatura, erakusketak eta askoz gehiago.

Bilbok unibertsitateko ikasleen kultur arloko aisia zaintzen du

Urtean 5 Eurotan baino ez? 2017ko abenduan unibertsitateko ikasleentzako hitzarmena izenpetu zen. Horren bidez, Lagun Karnetarekin sartu ahal izango dira Guggenheim Museoan, prezio berezian, DJ-ak dituzten saioetara eta deskontuak izan ditzakete Arte Ederretako Museoan, Arriaga Antzokian eta Bilbao Orkestra Sinfonikoaren (BOS) emanaldietan.

Jolasak eta jaiak

BILBOn jaia eta alaitasuna nagusi da. Bertan, adiskideez osatutako “kuadrilla” bat izango duzu, dauzkagun Jai ugariez ederto pasa ahal izateko. Horietako askok gure herriaren izaera berezia gordetzen dute: Santo Tomas, Aste Nagusia, Aratusteak/Inauteriak…

Jendea ezagutzeko: Bilboko Erasmus elkarteak

Hemen, zauden lekua eta jende berria ezagutzen lagunduko dizutenak daude. Ikasleentzako zerbitzu eta jarduerak antolatzen dituzten ERASMUSeko 3 elkarte dituzu. Ausartu zaitez eta zatoz apur batean ikustera!