Lehenengo fasean, Bilboko 18 eta 35 urte bitarteko gazteei zuzendutako 3 tailerren bidez, aisialdi jasangarriaren inguruan ikasteko, esperimentatzeko eta ikertzeko aukera emango da, sektoreko profesionalen eskutik:
- 1.tailerra: AISIALDI INKLUSIBO ETA IRISGARRIA
Urriak 14, 17:00, Coworking Gela, LA PERRERA (Sabino Arana, 50).
EMAN IZENA HEMEN
Gizarte-erantzukizunaren eta iraunkortasunaren arloko jardunbide egokiak ezagutu. Ezagutu nola diseinatu jarduerak oztoporik gabe, pertsona guztientzako aisia eskuragarria bermatuz.
Parte-hartzaileak:
Bilboko Udaleko Berdintasuneko eta Jaietako Saila. Hirian ekitaldi jendetsuak antolatzen duen esperientzia partekatuko du, eta arreta berezia jarriko du jaietako irisgarritasun- eta inklusio-irizpideen aplikazioan, erreferentzia praktiko gisa Aste Nagusiko Irisgarritasun Zerbitzuen Karta nabarmenduz.
Naia González: mugikortasun urriko pertsonen eskubideen eta irisgarritasunaren aldeko ekintzailea. Bere jakintza eta esperientzia eskainiko ditu, kolektibo guztientzat benetan inklusiboak eta irisgarriak diren ekitaldiak diseinatzen irakasteko.
Deustuko Unibertsitateko Gizarte eta Giza Zientzien Fakultatea. Ikuspegi akademiko eta metodologikoarekin lagunduko du eztabaida aberasteko, aisia eskuragarriago baten eraikuntzan ikerketa eta berrikuntza sozialak duen garrantzia azpimarratuz.
- 2.tailerra: INGURUMEN-JASANGARRITASUNA AISIALDIAN
Azaroak 12, 17:00, Coworking Gela, LA PERRERA (Sabino Arana, 50).
EMAN IZENA HEMEN
Ekitaldi eta espazio publikoetan ingurumen-inpaktua murrizten ikasi, ekonomia zirkularreko estrategiak, hondakinen kudeaketa eta metodologia jasangarriak erabiliz.
Parte-hartzaileak:
Bilboko Udaleko Mugikortasun eta Jasangarritasun Saila. Hiriko ingurumen-aztarna murrizteko abian dauden jarduerak eta prozesuak aurkeztuko ditu, ekitaldien kudeaketari eta espazio publikoen erabilera arduratsuari arreta berezia eskainiz.
IHOBE: Eusko Jaurlaritzako Industria, Trantsizio Energetiko eta Jasangarritasun Sailari atxikitako Ingurumen Jarduketarako Sozietate Publiko gisa, ekitaldi iraunkorrak lortzeko diseinatutako Erronka Garbia metodologia aurkeztuko du, eta arrakastaren adibideak partekatuko ditu.
Sare Berdeak: “Jai garbien alde” kanpaina aurkeztuko du, herritarren parte-hartzeak tokiko ospakizunen ingurumen-inpaktua nola eralda dezakeen erakutsiz.
Ekosistema Laukariz: jasangarritasun komunitarioan duen esperientzia partekatuko du, eta berriki egin den “Ekongreso”-ren emaitzak aurkeztuko ditu, ingurumenari buruzko hausnarketa- eta berrikuntza-gune bat. Jasangarritasunean eta tokiko ekonomia zirkularrean oinarritutako elkartea da, enpresa eta komunitateetan estrategia jasangarriak ezartzen esperientzia duena.
- 3.tailerra: KOMUNIKAZIO ETA BRANDING JASANGARRIA
Azaroak 18, 17:00, Coworking Gela, LA PERRERA (Sabino Arana, 50).
EMAN IZENA HEMEN
Indartu zeure elkartea komunikazio eraginkorreko estrategiekin eta inpaktudun branding-arekin. Ikasi zure istorioa modu erakargarrian kontatzen eta zure entzuleekin hobeto konektatzen.
Parte-hartzaileak:
Turiskopio: komunikazioan eta branding jasangarrian aditua den taldea. Ekimen ekologikoen ikusgarritasuna hobetzeko estrategiak eskaintzen dituzte, elkarteei eta kolektiboei beren inpaktua modu eraginkorrean komunikatzen lagunduz.
Euskadiko Gazteriaren Kontseilua (EGK): elkarteek euskal gizartean duten zereginari buruzko esperientzia emango du, eta nola indartu dezaketen beren ahots kolektiboa komunikazioaren bidez.
Comunidad B Norte: jasangarritasunarekin lerrokatutako enpresek eta erakundeek beren balioak jakinarazteko moduari buruzko gakoak partekatuko dituzte, bai eta praktika horiek gizarte-kolektiboei beren branding propioa helburuz sustatzeko inspirazio-iturri izan daitezkeen moduari buruzkoak ere. B Corp mugimenduko ordezkariak. Balio jasangarrien komunikazioa bultzatzen dute enpresa eta erakundeetan.