Bilboko Udaleko Gazteria eta Kirol Sailak KONEKTA IDEIAK deialdia aurkezten du, moda jasangarriaren alorrean zentratua, helburu hauekin:
- ekimenak garatzen laguntzea eta espiritu ekintzailea sustatzea moda jasangarriaren testuinguruan.
- sormen-prozesuen garapena babestea, moda jasangarriaren arloan interesa duten gazteak ekintzara bultzatuko dituztenak.
Nork aurkez ditzake proiektuak?
- Gazteek, banaka nahiz taldeka. Taldeen kasuan, gutxienez pertsona batek Bilbon bizi beharko du. Kideetako bat izendatu beharko dute Gazteria eta Kirol Sailaren aurrean taldearen ordezkari modura jarduteko.
- Adina: 18 eta 35 urte bitartean.
- Bilbon bizi direnak edo hiriarekin loturaren bat daukatenak.
Noiz eta zelan aurkez dezakezu/e proiektua?
- Proiektua apirilaren 28tik maiatzaren 28ra aurkez dezakezu.
- Proiektuek originalak izan beharko dute, eta egileen erantzukizuna izango da hori bermatzea, ez beste inorena.
Bete ezazu honekin batera dagoen Fitxa eta bidali helbide honetara: gazteria@bilbao.eus