Bilboko Udaleko Gazteria eta Kirol Saiak KONEKTA IDEIAK deialdia egin du, “elikadura jasangarriaren” eremuan oinarrituta, helburu hauekin:

• 2030 Agendak horri buruz planteatzen dituen erronken inguruan sentsibilizatzea,

• ekimenak garatzen laguntzea eta espiritu ekintzailea sustatzea ekonomia zirkularraren eta elikadura jasangarriaren testuinguruan,

• ekintzailetzaren eta elikadura jasangarriaren mundua gazteei hurbiltzea.

Proiektuak epaimahaiaren aurkeztea

• Proiektuen aurkezpena esperientzia irekia izango da. Parte-hartzaileek euren ideiak aurkeztuko dituzte adituen epaimahai baten aurrean, beste parte-hartzaile batzuekin sinergiak eratzeko aukera sortuz.

• Epaimahaiak proiektu bi aukeratuko ditu

Nork aurkez ditzake proiektuak?

• Gazteek, banaka nahiz taldeka.

• Adina: 18 eta 35 urte bitartean.

• Bilbon bizi direnak edo uriarekin loturaren bat daukatenak.

Zer eskaintzen dizuegu, zuen proiektua aukeratzen bada?

• BC3ko profesionalek 6 hilabetez banakako laguntza emango diete hautatutako ekimenei.

• Prozesu horretan, alorreko profesionalekin jarriko dira.

• Bilboko Udalak gehienez 3.000 euro erabiliko ditu proiektu bakoitzeko, hura garatzeko.

• La Perrera zentroko espazioak doan utziko zaizkie.

• Ekipamenduan eskuragarri dauden materialen, ekipoen eta tresnen erabilera.

• Ekimena Bilbao Gazteren webgunean eta sare sozialetan zabalduko da.

gazteria@bilbao.eus

944 20 30 98 (Ast-ost 9: 00etatik 14:00etara eta asteazkenetan 17:00ak arte)