ARTE ETA DISEINU ARLOKO PRESTAKUNTZA

Bazenekien Europako Batzordeak (EB) Bilbo sartu zuela “Cultural and Creative Cities C3 Monitor”izeneko lehenengo txostenean (2016)? Testu horretan, kulturaren eta sorkuntzaren arloko jarduerarengatik nabarmendu diren Europako hiriak agertzen dira.

Halaber, txosten horretan, besteak beste, hurrengo aipamenak egiten ditu: Bilbok, 2010ean, “Lee Kuan Yew World City Prize” saria jaso zuen, Bizkaiko zubia Humanitatearen Ondaretzat hartu dute eta UNESCOren “Hiri Sortzaileen Sareko” kide izendatuta dago, “Diseinuaren Hiri” gisa, Europako beste hiri garrantzitsu batzuekin batera jasotako aipamena.

Izan ere, Bilbon sormenaren eta artearen aldeko hautua egin dugu. Horregatik prestakuntza jasotzeko eta ondo pasatzeko zure interesekoa izan daitekeen espazioei buruzko eskaintza ipini dugu zure esku. Bai, esan dezakezu: WOW!!

 

Dantzerti -Arte eszenikoen Goi Mailako Eskola: dantza eta arte dramatikoa

Dantzerti, Arteari lotutako Irakaskuntzarako Goi-mailako Ikastetxea da, publikoa eta integratzailea, espazio berean honako bi diziplinak bateratzen dituena.

Bilboko Musika Eskola

Bilbon ibilbide luze eta sustrai sakonak ditu. MUSIKAko ikasketa ofizialak eskaintzen ditu. Leku berean ere BELE Lutheriako Euskal Eskola topatuko duzu.

Bilbao Arte, Bilbao Eszena eta Bilbao Musika

Gainera, Bilbon, arte arloko auzoko guztien kezkak bideratzeaz arduratzen eta kezkatzen diren hiru udal gune dauzkagu.

Azkuna Zentroa

Azkuna Zentroa gune garaikidean, artea eta kultura modu naturalean uztartuta daude herritarren bizimoduarekin. Aspaldiko ardandegi hau erabilera askotarako eremu bilakarazi dute.

Gomendatua: “Bilborock” gazteentzako gunea

Bilborock bizipozez jositako lekua da, etengabeko sinergiekin, zure interesekoak diren diziplinak barruan hartzeko prestatuta: kontzertuak, performance-a, antzerkia, dantza, olerki-errezitaldiak eta askoz gehiago…

Arteaz gozatzeko edota prestakuntza jasotzeko beste gune batzuk

Bisitatzeko eta ondo pasatzeko eremu eta baliabideak: besteak beste, ARTEBI (Musika, Arte Eszeniko eta Ikusentzunezkoen Eskola), HARROBIA, ZAWP (Zorrozaurre Art Work in Progress), PABELLON 6 eta LA HACERIA.

Kunsthal Europako Diseinu Institutua (IED)

KUNSTHAL Goi Mailako Diseinu Zentroaren integrazioari esker, Bilbora iritsi da IED Taldea, diseinuaren arloko azterlanetan erreferentziazko erakundea.