GOI MAILAKO PRESTAKUNTZA ETA GRADUAK, MASTERRAK ETA DOKTORETZAK

Zer eskaintzen dizugun Bilboko Unibertsitate Hirian:

  • Prestakuntza-sistema propio batean ikastea: Euskal Unibertsitate Sistema.
  • Europako goi-ikasketen espazioari (ingelesezko sigletan EHEA) egokitutako ikasketak prestatzea. Hiru ziklotan banatuta dago: gradua, masterra eta doktoretza
  • Aukera-sorta zabala dago ezagutzaren zenbait adarretan prestakuntza jasotzeko. Zure interes eta beharrizanen araberako onena aukeratu ahal izango duzu.
  • Bilboaldeko punta-puntako 5 ikastetxeetako batean ikasi ahal izango duzu, horietako 4tan aurrez aurreko eskolekin: Euskal Herriko Unibertsitatea-EHU, Deustuko Unibertsitatea, Mondragon Unibertsitatea eta Digipen-Institute of Technology Europe. Gainera, urrunetik ikasteko beste bat dago: Uned.
  • Ikasketak Planetan GAZTELERAZKO eta INGELESEZKO ikasgaiak daude, zeuk nahiago duzuna aukeratu ahal izateko, motibatzen zaituenaren eta etorkizunerako dituzun proiektuen arabera. Gainera, nahi baduzu, geure hizkuntza ere ikasi ahal izango duzu: EUSKARA.
  • Unibertsitate-Enpresa I. Euskal Estrategian sartzeko aukera izango duzu. Horren bidez, enpresetan eskatzen dituzten profesionalen ikasketak egin ahal izango dituzu, enpresekin batera antolatuta. Elkarrekin gehiago gara eta zu bezalako gazteen etorkizunean pentsatzen dugu
  • Eta hori guzti hori dago zuk ikasitakoa ezagutza eta talentu bilakatu dadin, aisiarako aukerez gozatu eta ondo pasatzen duzun bitartean, izan ere, BILBOk zure ametsak gauzatzen ditu. Oraindik badarabilzu buruan? Ez utzi gerorako eta erabaki orain

Euskal Herriko Unibertsitatea

UPV/EHU Universidad del País Vasco/Euskal Herriko Unibertsitatea bikaintasunaren prestakuntza eta ikerketarekin eta gizarte-erantzukizunarekin engaiatutako erakunde publiko bat da. Xangaiko rankingaren arabera, munduko 500 unibertsitate onenen artean dago.

Deustuko Unibertsitatea

Deustuko Unibertsitatea gizarte-ekimeneko unibertsitatea da, konfesio-izaerakoa, eta prestigiozko ibilbide luzea du maila handiko profesionalak prestatzen.

Mondragon Unibertsitatea

Mondragon Unibertsitatea erakunde gaztea da, 1997an sortutakoa. Hezkuntza alorrean ibilbide luzea egindako eta eremu horretan esperientzia zabala izandako hiru kooperatiba-sozietatek sustatu zuten.

Digipen Institute of Technology

DigiPen Bilbo da bideo-jokoei buruzko unibertsitate-graduko prestakuntzan munduan aitzindaria den amerikar Unibertsitateak Europan duen campusa. 25 urte baino gehiago daramatza bideo-jokoetako eta beste hainbat arlotako profesionalak prestatzen.

UNED (Urruneko Hezkuntzarako Estatuko Unibertsitatea)

Urruneko Hezkuntzarako Estatuko Unibertsitatea -Universidad Nacional de Educación a Distancia (UNED)- Espainiako Estatu osoan hezkuntza-zerbitzuak eskaintzen dituen unibertsitate publikoa da. Hezkuntza eta Zientzia Ministerioaren mendeko erakundea da eta aurrez-aurrekoak ez diren eskolak eskaintzen ditu.

Prestatu eta gozatu! Bilbon ikasteko hamaika zergati

Bilbon ikasiko duzun guztia ezagutza eta talentu bilakatuko da. Eta talentua.Bilbon, zure ideiak, energia eta gogoa behar ditugu, guztion artean hiri hobea eraikitzeko, balioetan oinarritutako proiektu batean.