FEST-ek bi momentu ditu:

  • 4 kontzertu Bilborock-en 12 Euskadiko eta Nafarroako talde gazteekin (aldez aurretik taldeek izena eman behar dute; gero, epaimahai profesional batek talde guztien artean hautatutako ditu). Kontzertuak 2021eko apirilaren 9, 16, 23 edo 30ean izango dira, eta egun horietan, talde gonbidatu batek joko du haietako bakoitzarekin batera. Izena eman azaroaren 9ra arte.
  • 5 kontzertu uriko hainbat gunetan, antolatzaileek gonbidatutako 10 taldeekin (2021eko maiatzaren 7 eta 8an).

Taldeek eta bakarlariek, haien proposamenak egungo musikaren arloan (rock, pop, metal, rap, trap eta folk musiken eta musika elektronikoaren edota egile musikaren arloan) edo haien fusioetan kokatzen badira.

Talde edo bakarlari horiek Euskal Autonomia Erkidegokoak edo Nafarroakoak izan behar dute, eta baldintza hauek bete behar dituzte:

  • Jatorria: taldeko kideen erdiek, gutxienez, Euskal Autonomia Erkidegoko eta/edo Nafarroako herriren batean izan behar dute bizilekua.
  • Adina: taldeko kideak 1990eko urtarrilaren 1a eta 2004ko abenduaren 31 bitartean jaioak izan beharko dira. Kide bi edo gehiago dituzten taldeetan, onartuko da kide bakar bat 1985eko urtarrilaren 1a eta 1989 abenduaren 31 bitartean jaioa izatea.
  • Errepertorioa: programara aurkeztuko diren konposizioak jatorrizkoak izan beharko dira. Antolatzaileek eskatuz gero, frogatu egin beharko da konposizioaren egile izatea.
  • Parte hartzaileek ezingo dute eduki kontratu diskografikorik indarrean; hala ere, ez da izango baztertzeko arrazoia lankidetza, autoprodukzio edo lizentzia kontratu bat edukitzea indarrean

NOIZTIK HASITA EMAN AHAL IZANGO DA IZENA?
Izena emateko epea 2020ko urriaren 1etik azaroaren 9ra bitartean izango da, biak barne.

ZELAN EMAN BEHAR DA IZENA?
Izena ematea web orrian bertan egin behar da, inprimakia betez, eta harekin batera, honako hauek aurkeztuz:

  • 3 kanta mp3, ogg edo wma formatuan.
  • Argazki bat jpg, bmp edo png formatuan.
  • Taldearen ibilbidea doc, docx, odt edo pdf formatuan
  • Taldearen edo bakarlariaren sare sozialetako profilak (Facebook, Instagram eta abar)
  • Editatu gabeko bideo baten esteka, zuzenekoa nahiz entsegukoa (taldea zuzenean jotzen, ez bideoklipa)
  • Izena ematean “ordezkari” moduan ageri dena taldeko kidea izan beharko da, eta Bilborockeko kontzertuan egoteko betebeharra izango du.

Bikendi Cadelo, Mari Jose Aranguren, Iker Bárbara, Lorea Argarate eta  Jon Hervásek osatzen dute VillaSoundBilbao-ren epaimahaia. Euren biografia hemen kontsultatu dezakezu.

Bilborock aretoko kontzertuetarako hautatutako hamabi talde/bakarlari hautatuek sari hauek irabaz ditzakete:

  • Emanaldi bat 2021eko Aste Nagusian, Bertako Rock taldeentzako agertokian (Bizkaiko taldeentzat bakarrik*)
  • Kontzertu bat Kultura Live-en areto batean, taldearen/bakarlariaren jatorrizko herrialdean, eta 400 euro dieta moduan (Aretoak berak egingo du hautaketa).
  • 100 ordu Bilborock-en entsegu-lokaletan (Bizkaiko taldeentzat/bakarlarientzat bakarrik)
  • Kontzertuen audio grabazioak

Eta Mentoring faserako hautatutako 6 taldeek/bakarlariek, formazioaz gain, honako hauek irabaz ditzakete:

  • Emanaldi bat Azkena Rock 2022 jaialdian, epaimahaiak hautatuko duen batentzat. Talde/bakarlari irabazlea ez bada egokia jaialdi horretarako, aztertuko da beste jaialdiren batean parte har ote dezakeen (Bilbao Bbk Live…).
  • 250 CD-ren argitalpena, epaimahaiak nabarmendutako hiru talderentzat/bakarlarirentzat.

Mentoring fasean parte hartzen duten 6 talde edo bakarlarietako bati 4 emanaldiz osatutako Tour bat antolatuko zaio Estatuko hainbat aretotan, eta, han, herri bakoitzeko talde batek ere joko du berarekin batera; 600 euro jasoko ditu joan-etorrietako gastu moduan, emanaldi bakoitzerako.

Sari horietan aldaketak gerta daitezke Covid-19ren ondorioz

  • 5 kontzertu uriko hainbat gunetan, antolatzaileek gonbidatutako 10 taldeekin (2021eko maiatzaren 7 eta 8an).

INSKRIPZIOAK VSB Fest

INSTAGRAM

Instagram-en gaude! Jarrai gaitzazu!

580b57fcd9996e24bc43c521

INFORMAZIO GEHIAGO