BILBOKO UDALAK “#GAZTEKLUBA GABONAK” JARRI DU ABIAN, 12 ETA 17 URTE BITARTEKO GAZTEENTZAKO GABONETAKO AISIALDIKO JARDUEREN PROGRAMA

Posted on:

Bilboko Udalak #GazteKluba Gabonak gazteen aisialdiko programaren edizio berri bat jarri du abian, gustu guztietarako pentsatua.Abenduaren 26tik urtarrilaren 4ra bitartean, hainbat kokalekutan, aisialdi osasungarriko 16 jarduera egingo dira. Jarduera horien helburua da jolaserako espazio bat eskaintzea gazteei, besteak beste sormena, kirola edo teknologia sustatzeko.

#GazteKluba Gabonak programako jarduera gehienak doakoak izango dira, eta ordainpekoek 2 edo 5 euroko kostu sinbolikoa izango dute.  Jardueraren batean parte hartu nahi duten gazteek azaroaren 29tik abenduaren 8ra bitartean eman behar dute izena, webgune honetan: https://bilbaogazte.bilbao.eus/es/gazteklubagabonak/.

 

GAZTEENTZAKO GABONETAKO PROGRAMAZIOA

Dantza:

  • K-Pop lehiaketaren V. edizioa Bilborocken, abenduaren 26an, osteguna, 17:00etatik 20:00etara. Bilborockek urteroko K-Pop dantza-lehiaketa hartuko du, 10 bakarlari eta 10 talderekin. Beharrezkoa da izena ematea lehiaketan parte hartzeko. Sarrera doakoa da.
  • Afrobeats dantza-tailerra Zorrotzako Auzoka komunitate-zentroan, abenduaren 26an, osteguna, 12:00etatik 14:00etara. Dohainik.
  • Urban Style dantza-tailerra Esperantzan, urtarrilaren 3an, ostirala, 17:00etatik 18:30era. Dohainik.

STEAM jarduerak:

  • Campus teknologikoa La Perreran (Sabino Arana, 50, Basurtu), abenduaren 26 eta 27an, osteguna eta ostirala, 17:00etatik 19:30era. Dohainik.
  • Tailerra 3D inprimagailuekin (Gabonetako dekorazioa) Esperantzan (Itxaropen kalea 4), abenduaren 13an, 17:30ean. Dohainik

Irteerak:

  • Donostiako Izotz Jauregia, abenduaren 27an, ostirala, 10:30etik 16:00etara. 5 euro balio du.
  • Scape Room Barraincua 9n, Abando, abenduaren 28an, larunbata, 10:00etatik 12:15era. 2 euroko kostua du.
  • Donostiako Izotz Jauregia urtarrilaren 3an, ostirala, 10:30etik 16:00etara. 5 euro balio du.
  • Baserri bati bisita Elorrion, urtarrilaren 4an, larunbata, 10:00etatik 14:00etara. 2 euroko kostua du.
  • Scape Room Tere Verdes pasabidean, urtarrilaren 4an, larunbata, 17:00etatik 18:30era. 2 euroko kostua du.

Kirol-jarduerak:

  • Yumping Yard Derion, abenduaren 26an, osteguna, 10:00etatik 14:00etara. 2 euroko kostua du.
  • Arku-tiroa Errekaldeko Gaztegunean, abenduaren 28an, larunbata, 18:00etatik 20:00etara. Dohainik.
  • Joan gaitezen Portugaleteko bolatokira!, abenduaren 30ean, astelehena, 17:00etatik 19:30era. 2 euroko kostua du.
  • Eskalada eta zinema Ballonti merkataritza zentroan, Portugalete, urtarrilaren 3an, ostirala, 12:15etik 17:00etara. 2 euroko kostua du.

Tailerrak:

  • Gabonetako postreak Otxarkoagako Gaztegunean, abenduaren 27an, ostirala, 11:00etatik 13:30era. Dohainik.
  • Ukelelearen hastapenak Deustuko Gaztegunean, urtarrilaren 2an, osteguna, 18:00etatik 20:00etara. 2 euroko kostua du.
  • Zaku termikoak, Iralako Gaztegunean, urtarrilaren 3an, ostirala, 11:30etik 13:30era. Dohainik.
  • Festa-kanapeak, Errekaldeko Gaztegunean, urtarrilaren 4an, larunbata, 18:00etatik 20:00etara. Dohainik.
  • Sukaldaritza, abenduaren 20an, 17:30ean, Esperantzan (Itxaropen kalea 4). Dohainik.
  • Antzerkia, abenduaren 28an (11:30) eta urtarrilaren 2an (16:00).Esperantzan (Itxaropen kalea 4).