Programa honen helburua da Euskadiko gazteen artean elkartasunaren balioak sendotzea eta garapenerako ekintzen inguruko sentsibilizazioa sortzea. Garapenerako ekintzak hainbat hegoaldeko herrialdetan izaten dira, Amerika, Asia eta Afrikan, hain zuzen ere, eta modu horretan, parte hartzen duten gazteek ekintza horiek bertatik bertara ezagutzeko aukera izango dute.
Matiz Elkartetik, eta Bilboko Udaleko Berdintasun, Bizikidetza, Lankidetza eta Immigrazio Sailaren, Bizkaiko Foru Aldundiko Lankidetzarako eta Dibertsitaterako Zuzendaritzaren, Eusko Jaurlaritzako Berdintasun, Justizia eta Gizarte Politiketako Sailaren eta Lehendakaritzaren laguntzarekin, "Zero Zona: 2030 alerta. Gazteria eta Gizarte Eraldaketa" gazteentzako topaketa abian jarriko da.
BizkaIdatz Txikia X. Haur eta Gazteen Literatura Sariak gure lurraldeko eskola-umeen artean literatur sorkuntza bultzatu eta sustatu nahi du. Bertan Bizkaiko ikastetxe batetan ikasten ari diren 16 urte beteta dituzten arteko Lehen Hezkuntza (3. mailatik 6.era) zein Derrigorrezko Bigarren Hezkuntzako haurrek parte har dezakete.
87.000 gazte inguruk jasoko dute gaurtik aurrera Eusko Jaurlaritzako Gazteria Zuzendaritzaren gonbidapena, Euskadiko gazteen aldeko ituna, gazteekin eta gazteentzat egingo dena, burutzeko prozesuaren lehen fasean parte hartzeko.
Bilboko Udalak kulturarteko eskumenen eta gazteriaren eremuetan lan egiten jarraitzen du NET-IDEA Europar Proiektuaren bidez. Uriak gazteei zuzendutako hainbat jarduera hartuko ditu, besteak beste, "Kulturarteko Hiriak-Etorkizuneko Arkitektura" komiki-tailerra, parte-hartzea, eztabaida, kritika eta errespetua sustatzeko. Tailerra praktikoa eta sortzailea izango da, giro seguru batean, Kike Infame ilustratzailearen eskutik.
Open House Bilbao jaialdiak urriaren 7an eta 8an ospatuko du bere zazpigarren edizioa, "Ciudad (in)material. Hiri (ez)materiala" goiburuarekin. Ekitaldian ez da beharrezkoa izango aldez aurretik izena ematea eraikinetara sartzeko; bai, ordea, jarduera osagarrietan parte hartzeko.
Bilboko Udalak irailaren 18an, ASTELEHENA, zabalduko zuen 2024ko aurrekontuetan sartuko diren herri-ekimenak bozkatzeko epea.
Epe hori irailaren 29an, MARTITZENA, amaituko da. Bilbotarrek, urirako interesgarrienak iruditzen zaizkien ideiak ikusita, modu telematikoan eman dezakete botoa www.bilbao.eus webgunean, edo aurrez aurre barrutietako udaltegietan dauden Bilbao Click makinen bidez.
Bilboko Udalak La Perrera eraikinean (Sabino Arana 50) 2023/2024 ikasturteko lehen hiruhilekoan gazteei eskainiko zaien egitaraua diseinatu du. Proposamenak STEAM ildo estrategikoarekin bat egiten du (S-Science, T-Technologies, E-Engineering, A-Arts, Mathematics), Udalak «Konekta» bezalako programen bitartez bultzatzen duena.
"Bilbao Open Rubik 2023" nazioarteko txapelketa laugarren urtez jarraian itzuliko da. Hainbat herrialdetako 75 gazte (Espainia, Frantzia, Txile, Argentina eta Brasil) lehiatuko dira World Cube Association (WCA) erakundearen munduko rankingean beren posizioak hobetzeko. Erakunde horrek konbinazio-puzzle deiturikoen gaitasunak arautzen eta bultzatzen ditu, hala nola Rubik-en kuboa.