Expodistrito programa La Perrerara hurbilduko da lehen aldiz, eta bertan, urtarrilaren 29ra arte, hainbat artista palestinarren erakusketa kolektiboa erakutsiko da, “Ahots propioak, oihu kolektiboa“ izenburupean.

Hau ez da soilik arte-erakusketa bat: existentziaren baieztapena da, hegemonia zalantzan jartzea eta Palestinako narratibaren indar iraunkorraren lekukotasuna. Tinta-trazu bakoitzean eta narrazio-bineta bakoitzean, komiki hauek ahanzturaren aurkako ukapena dira, istorio palestinarrak kontatzen, marrazten eta partekatzen jarraituko direla aldarrikatzen duen oihu kolektiboa, justizia iritsi arte.

EGILEAK: Leila Abdelrazaq, Iasmin Omar Ata, Sara Shehadeh, Hassan Manasrah, Hamza AbuAyyash, Khaled Jarrada, Shahd Alshamali, Dania Omari, Samir Harb, Mohammed Sabaaneh.

Erakusketaren edukiak hemen ere ikusgai: FundacionAlfanar.org