"Green Sormena-Artea eta teknologia" deialdian hautatutako Servitor proiektuaren erakusketari ateak ireki dizkio Bilboko Udalak. Proiektu horretan lanean aritu dira azken bi hilabeteetan Fer Moraga, Sara Vega eta Mery Campos artistak, Estudio Gheada enpresaren aholkularitzapean. Erakusketa maiatzaren 29tik ekainaren 3ra arte bisitatu ahal izango da (igandean izan ezik, hilaren 31n), La Perrerako Konekta gelan (Sabino Arana 50), 18:00etatik 20:30era, eta sarrera librea izango da.

VillaSoundBilbaoren seigarren edizioa gerturatzen ari da. Euskadiko eta Nafarroako talde eta bakarlarientzako izen-emateak urtarrilaren 19tik otsailaren 17ra bitartean irekiko dira.

Mix-a Gazte Elektronika eta Freskure programek amaiera emango diote urteari, Bilborockek abenduan hartuko dituen edizio bereziekin.

Bilbo berriro ere metal eta pop-rock onenaren erritmoaz gozatzeko aukera izango du “Bilbao Metal, Pop-Rock Erakustaldia”ren 38. Edizioarekin, aurten 8 kontzertu eskainiko duela. Abuztuaren 16tik (larunbata) 23ra (larunbata) arte. Kontzertu guztiak doakoak dira.

Bereziak sarbide libreko ekitaldia da, eta 2011tik Bilbao BBK Liveren espiritua hiriaren bihotzera eramaten du. Kreatibo Industriak Fundazioa antolatzen du, Bilbao BBK Liverekin batera, eta Bereziak ekimenak musika eta kultura publiko ororengana hurbiltzen ditu, herritarren parte-hartzea bultzatzen duen eta komunitateari balio soziala ematen dion esperientzia paregabea sortuz.