Larunbat honetan, ekainaren 26an, Evaristo Churruca, kirol jarduera erakargarriak, osasungarriak eta doakoak eskaintzen dituen jardunaldia hartuko du, Auzo Active aisialdi osasungarrirako udal programaren barruan. Ekimena egun osoan egingo da, 11:00etatik 14:00etara eta 17:00etatik 19:30era, eta Bilboko kirol elkarte eta elkarteen laguntza izango du. Ekitaldi honekin, Auzo Activek bere lehen denboraldia itxiko du.

Besteak beste, saskibaloia, errugbia, xakea, kalistenia, piraguak, yoga – acroyoga, dantza, futbola eta multikirola, herri kirolak eta afrofitboing-a, kirol aktibitateak egin ahal izango dira. Horrez gain, elikadura osasungarriari buruzko jarduerak ere egiteko aukera izango da. Programaturiko jardueretan 10 eta 17 urte bitarteko edozein gaztek parte har dezake eta doakoak dira. Gainera, ez da beharrezkoa aldez aurretik izena ematea.

Kirol jarduera horiekin batera, Eroski Fundazioak ere parte hartuko du bere “Elikadura Osasuntsuaren Eskola” programarekin. Hiru tailer izango dira: Tix eta Loy. Bertan, ukipen-pantaila baten edukiez gozatu ahal izango da; Imagine Food, errezeta dibertigarri eta errazen tailerrak egingo dira, hala nola fruta-burruntzia, ilar-igela edo mozzarella-zizarea; eta Jolas ezazu handienean, elikadura osasungarriari buruzko eduki ludikoekin.

Auzo Active programaren helburua aisialdiko kultura osasungarria sortzea da, esfortzua, lankidetza, tolerantzia integrazioa, adiskidetasuna edo joko garbia bezalako balioetan oinarrituta. Apirilaren 24an hasi zen ekimena, eta guztira 10 kirol-jardunaldi egin dira Bilboko hainbat auzotan: Ibaieder parkea, Abusu; Otxarkoagako Lozoño plaza; Errekaldeko Eskurtze edo La Floresta parkeak, Moraza plaza; Zorrotza, Uzturre eta Errekalde, besteak beste.

Programa honen garapenean, Bilboko Udalak honako elkarteren laguntza izan du : Tendel Otxarkoagan, Umeak Kalean Abusun, Gozaldi Uribarrin, Gaztelekua Errekalden, Eragintza Iralan eta Gure Lurra Zorrotzan. Hauekin batera eta beste kirol erakunde batzuek ere parte hartu dute (Athletic Fundazioa, Saskibaloi Federazioa, Herri Kiroletako Federazioa, Bilbao Silla de Ruedas, ONCE Fundazioa, Parkour Bilbao, Parkour Indarrez, Patinaje Irrizbizi, Korrikazaleak, Balonmano Femenino San Adrian, Club Bolístico Begoña, Miribasket, Koop SF34 Calistenia, Tenis de Mesa Peñascal, Universitario Bilbao Rugby), besteak beste.

Informazio gehiago esteka honetan.