Bilborock-en mintzagai (página 12)

European Youth Parliament Bilborock-en berriro ere

Beste urte batez, Bilborock-ek European Youth Parliament ekitaldia hartuko du bere baitan, 50 gaztek euren interesekoak diren gaien inguruan ingelesez eztabaidatuko dutela. Ekitaldia igande honetan, urtarrilaren 26an, goizeko 09:00etatik aurrera ospatuko da.

“Han eta Hemengo Gazteak” programa jardueraz beteta dator

Hilabetero Bilboko Udalak antolatutako “Han eta Hemengo Gazteak” programak hainbat jarduera ospatzen ditu Bilborock-en bertoko eta nazioarteko ikasleak elkarrekin lotzeko asmoz. Happy Erasmus eta Erasmus Student Network (ESN) elkarteek hartzen dute parte ekimen honetan. 

Ongi etorri jaia Eramus ikasle berriei Bilborock-en!

Bilborock-ek Erasmus ikasle berriak hartuko ditu urtarrilaren 28an ospatuko den ongi etorri jaian. 18:00etatik aurrera, Bilboko Udalak antolatutako eta “Han eta hemengo gazteak” programaren baitan dagoen ekitaldi hau musikaz eta janariz beteta egongo da.

Etor zaitez Bilborock-era K-POP-arekin ondo pasatzera!

Dantzatzea eta ondo pasatzea gustoko badituzu, ezin duzu galdu urtarrilaren 18an Bilborock-en ospatuko den K.Bilbo-ko ekitaldia. 17:00etatik aurrera, etorri zaitez K-POP-a eta zure gustu berdinak dituzten pertsonak ezagutzera ! Dantza, emozio eta dibertsioz beteriko arratsaldea dago zure zain.