Category: Parte hartu (página 2)

Bilboko Udalak herritarren bozketarako epea ireki du gaur, irailaren 27ra arte, bilbotarrek erabaki dezaten zein herri-ekimen sartu nahi dituzten 2025eko udal aurrekontuetan. Parte-hartze bidezko IX. aurrekontuen azken fasea da; prozesua bukatzeko, guztira 37 herri-proiektu bozkatuko dira.

Bilboko gazteek berriro ekingo diote aisia eta denbora libreko programazio oparoa izango duen ikasturte honi. Programazio hori bihartik (irailak 14, larunbata) aurrera abiaraziko du Bilboko Udalak hiri osoan zehar dituen 9 gazteguneetan (Deustu, Uribarri, Otxarkoaga, Begoña, Zazpikaleak, Irala, Errekalde, Zorrotza eta Basurtukoetan).

Bilboko Udalak doako kalistenia masterclasseak antolatu ditu ekainean

#Gaztekluba Uda gazteentzako aisialdi-programan izena emateko epea bihar hasiko da, maiatzak 31. 12 eta 17 urte bitarteko gazteek 444 plaza eskuratu ahal izango dituzte.

Bilboko Udaleko Mugikortasun eta Jasangarritasun Sailak tailer teoriko-praktiko batzuk sortu ditu, etxeetako balkoi eta leihoetan ortuariak eta barazkiak landatzea sustatzeko. "Balkoi jangarriak" izeneko ekimen honekin herritarrak sentsibilizatu nahi dira, gure etxeetan keinu txikiak eginez biodibertsitatea sustatzen laguntzeko.

Eusko Ikaskuntzaren Asmoz Fundazioak, UN Etxearekin lankidetzan, Eskubideak ikasten giza eskubideen inguruko dibulgazio eta sentsibilizazio lehiaketa abian jarri du TikTok sare sozialean. Proiektu honek Eusko Jaurlaritzaren babesa jaso du.

Ekainaren 9an Plogging Tour-a ospatuko da Bilbon. Plogginga, aire zabaleko kirola zabor-bilketarekin nahasten duen jarduera da. Hau da, aire zabaleko edozein jarduera fisiko aprobetxatzean datza, hondartzetan, mendietan edo hirietan aurkitzen diren hondakinak biltzeko.

GAZTENPATIA KULTURARTEKO TOPAKETAREN VII EDIZIOA: Praktikak eta gradu amaierako lanak garapenerako lankidetzan egiteko UPV/EHUko Programa

Programa honen helburua da Euskadiko gazteen artean elkartasunaren balioak sendotzea eta garapenerako ekintzen inguruko sentsibilizazioa sortzea. Garapenerako ekintzak hainbat hegoaldeko herrialdetan izaten dira, Amerika, Asia eta Afrikan, hain zuzen ere, eta modu horretan, parte hartzen duten gazteek ekintza horiek bertatik bertara ezagutzeko aukera izango dute.

Matiz Elkartetik, eta Bilboko Udaleko Berdintasun, Bizikidetza, Lankidetza eta Immigrazio Sailaren, Bizkaiko Foru Aldundiko Lankidetzarako eta Dibertsitaterako Zuzendaritzaren, Eusko Jaurlaritzako Berdintasun, Justizia eta Gizarte Politiketako Sailaren eta Lehendakaritzaren laguntzarekin, "Zero Zona: 2030 alerta. Gazteria eta Gizarte Eraldaketa" gazteentzako topaketa abian jarriko da.