Esanetan…. (página 27)

#GazteKLUBA hemen da, eta asteburupasa egingo dugu!

#GazteKLUBA IRAILA eta #GazteKLUBA UDA ospatu gero, ohikotasunera bueltatzeko ordua da. Aurreko ikasturtean bezala, urritik aurrera hamaika ekintza eta irteera ospatuko dira, lagun berriak egiteko eta ekintzetan parte hartzeko aukera ezinhobea, hain zuzen.

Biscay Bay Startup Campus 18

Euskal Herriko Unibertsitateak, Walden startup eta Bilbao Valley Elkartearekin batera, Biscay Bay Startup Campus-a antolatu du urriaren 1etik 7ra Bizkaia Aretoan. Iparraldeko gazte ekintzaileen topaketarik handiena izateaz gain, euskal ekintzaileen panoramen jaia dugu hau, startup onenekin inspiratzeko, hezitzeko eta lotzeko gune ederra.

Music Week MTV

Azaroaren 4ean ospatuko dira Bilbao Exhibition Centre-n, BEC-en, EMA 2018 sariak, baino hori gertatu baino lehen Music Week MTV Bilbora iritsiko da. Urriaren 29tik eta azaroaren 3ra arte musika nagusi izango da Bizkaian, eta ekitaldi amaiera San Mamesen ospatuko den kontzertua izango da.

Ikus-entzunezko eta musika ikastaroak

Ikus-entzunezkoetan edo musika arloan hasi edota zure ezagutzak hobetu nahi al dituzu? Ez galdu aukera hau! Bilbo Udalak, Tular Elkartearekin batera, ikus-entzunezkoei eta musikari buruzko ikastaroak antolatu ditu. Izena emateko epea dagoeneko dago irekita udal webgunean eta irailaren 28an itxiko da.

Open House Bilbao

Open House Bilbaoren edizio berria iritsiko da gurera irailaren 22 eta 23an, Bilboko eraikim xarmangarrietaz modu ezberdin batera gozatzeko aukera eskainiz. Orotara, 54 eraikin irekiko dira, bisitariek historia, urbanismo eta arkitekturaz goza dezaten.

Sorkuntzazko idazketa bereizkeriaren aurka

Sorkuntzazko idazketa medio bereizkeriaren aurka borrokatzea gustatuko litzaizuke? Aurten ere, Bilboko Udalak ‘ZURRUMURRUEN aurka, sartu aterpean’ lehiaketa deitu du, migratzaileei buruzko estereotipo negatiboei eta aurreiritzi negatiboei aurre egin diezaiogun.

Gazteentzako #IzanZuAldaketa topaketa

Euskadiko Gazteriaren Kontseiluak, EGK-k, datorren irailaren 27an, ostegunean, gazte boluntarioen topaketa egingo du Boluntan, boluntario edota boluntario izandakoen esperientziak eta testigantzak entzuteko aukera izan dezagun.

Osasun Publikoan bekak

Bilboko Udaleko Osasun eta Kontsumo Sailak graduondoko ikasleentzako hiru beka eskainiko ditu. Osasun Publikoaren arloan aritzeko bekak izango dira hirurak. Eskariak aurkezteko epea irailaren 17an zabaldu eta urriaren 15ean itxiko da.

Bilbao Unibertsitate Hiri

Bilbora etorri nahi duzu ikasten baina ez dakizu nora jo? Bilbon igaroko dituzun lehenengo egunetan lo egiteko toki bila zabiltza? Bilbon zaude jada eta ez dakizu nondik hasi? Bilbao Gazteren "Bilbao Unibertsitate Hiri" espazio berrian erantzun denak topatuko dituzu: Ikasteko eskaintza, etxebizitza, euskal kultura, izapideak eta askoz gehiago!

Udal ikastaro eta tailerrak (2018/2019)

Bilboko Udalak antolatutako 2018/2019 ikastarorako 346 tailerretan izena emateko epea dagoeneko zabalik. Irailaren 12tik 26ra katalogoak eskaintzen dituen edozein ikastaro edota tailerretan izena eman dezakete interesadunek, egoera fisiko, gustuak eta adina edozein direla ere, katalogoa oso zabala baita.