Esanetan…. (página 30)

Parte-hartze bidezko Aurrekontuak 2019 jada irekita

Bilboko Udalak bilbotarren eskura jarri ditu Parte-hartze bidezko Aurrekontuak, interesatuta dauden pertsonek udal aurrekontuetako zati baten kudeaketarako proposamenak egin ditzaten. Gauzak horrela, Udalak 2 milioi euro bideratuko ditu jada irekita eta maiatzaren 10era arte zabalik egongo den epean jasotzen diren proposamenei. Parte hartu nahi dutenek honako inprimaki hau bete beharko dute.

Zientzia Azoka hemen da!

Bueltan dago Zientzia Astea! Aurten, ikertze eta proiektu teknologikoen bitartez proposatutako erronkei erantzuna emango diote ikerlari gazteek Plaza Berrian. Gainera, unibertsitate eta lantokietako ikerlari profesionalak ere bertan egongo dira, euren proiektuak aurkeztuko dituztela.

Otxarkoaga eta Txurdinagako magia ikastaroetan izena eman dezakezu jada!

Magiaz gainezka egongo dira maiatzean Otxarkoaga eta Txurdinaga berton ospatuko den XIV. Magia Topaketarekin. Hastapen ikastaroa, profesionalentzako seminarioa eta ‘Atera ezazu barruan daramazu magia’ ikastaro amateur-a. Izena emateko epea dagoeneko dago irekita eta apirilaren 27ra arte luzatuko da esteka honen bitartez, eta parte hartu duten pertsonek maiatzaren 2ra arte izango dute denbora euren bideoak hona bidaltzeko.

‘Gazte Txanpon Soziala’ gazteen boluntario lanak saritzeko

Gazte Txanpon Soziala ekimenak gazteek garatutako boluntario lanak sarituko ditu Bizkaian ondasun eta zerbitzuek osaturiko kreditu sistema medio. Programak honek txanpon sozialean oinarritutako sistema erakitzen du helburu, proiektu sozialetan parte hartzen duten gazteen konpromisoa saritzeko.

Jokoteknia, Euskarazko Bideojokoen I. Jardunaldia

Euskarazko Bideojokoen I. Jardunaldia antolatu dute Game Erauntsiak eta Azkue Fundazioak. Bertoko industriak eta jokozaleek egoera aztertzea eta bideojoko garatzaile eta jokalarien joerak ikusi, hausnartu eta elkar ezagutzea du helburu jardunaldi honek. Halaber, euskararen abiapuntutik eta euskarazko ekoizpenetik, euskal kultura eta industria sustatzea dute helburu.